للاسف ده سؤال محدش يقدر يجاوبك عليه و لو حد جاوبك برقم محدد يبقي مش فاهم بيقول ايه و هشرحلك ليه .. احنا عندنا متوسط نزول صحي بيترتب علي عوامل كتير جدا منها مدي التزامك و حركتك علي مدار اليوم و وزنك و كتلتك العضلية قد ايه و مبتدئ ولا متقدم في التدريب وغيره من عوامل كتير جدا و خليني اقولك المتوسط ببساطة كيلو الدهون المخزنة بيحتوي علي حوالي 7000 كالوري .. يعني لو قللنا 500 كالوري يوميا من (سعرات الثبات: هي السعرات ال جسمي محتاجها و ال لو اخدها وزني هيثبت ولا هزيد ولا هنزل ) هنخس نص كيلو دهون في الأسبوع ال هما 3500 كالوري . في حالة انك مش مستعجل علي رقم معين زي (ميزان في بطولة او مناسبة ) بنقلل 500 سعر حراري في اليوم و في حالة انك مستعجل علي رقم معين و مستعد تيجي علي نفسك اكتر في الدايت في سبيل النزول الاسرع الرقم ده بيزيد و ممكن يوصل لحد اقصى 1000 سعر حراري في اليوم يعني احنا هننزل من نص كيلو ل كيلو في الاسبوع علي حسب قدر الحجز من السعرات ال احنا منقصينه من سعرات الثبات.يعني من 10 ل 20 اسبوع ف انا لو قلتلك في 12 اسبوع ابقي بضحك عليك لانه مدي من كذا ل كذا مقدرش اقولك رقم معين